на Русском
Այսօր մենք պետք է անենք ավելին, քան պարզապես ... 
Հեռախոսազրույցի ընթացքում հորս ասածներից մենք... 
Ինչ հարցեր է բարձրացրել Էդվարդ Նալբանդյանը փակ նիստի ընթացքում. մանրամասներ
«Ժողովուրդ» օրաթերթը գրում է. «Նոյեմբերի 19-ին ՀՀ ԱԳ նախարար Էդվարդ Նալբանդյանը ԱԺ արտաքին հարաբերությունների մշտական հանձնաժողովի փակ նիստում ասել է, որ ԼՂ խնդրի կարգավորման բանակցություններում հայկական կողմը միշտ պատրաստ է նախագահների մակարդակով հանդիպման, սակայն ադրբեջանական կողմը տարբեր պատճառներով խուսափում է հանդիպումից:
«Ժողովուրդ»-ի տեղեկություններով՝ նախարարը հավելել է նաեւ, որ ՌԴ ԱԳ նախարար Սերգեյ Լավրովի վերջին այցի ժամանակ Հայաստանի առջև որևէ պայման չի դրվել, և տարածքներ զիջելու պահանջի մասին լուրերը կեղծ են: Երեկ մենք փորձեցինք ՀՀ ԱԳՆ մամլո խոսնակ Տիգրան Բալայանից մեկնաբանություն ստանալ պատգամավորների հետ հանդիպման մասին լուրերի առնչությամբ:
«Փակ հանդիպումների մասին այլ աղբյուրների տեղեկատվությունը չեմ մեկնաբանում: Իսկ նախագահների մակարդակով հանդիպման մասով կարող եմ ասել, որ համանախագահների կողմից նման առաջարկ եղել է: Եթե պայմանավորվածություն լինի, ապա դրա մասին պատշաճ ժամկետներում կհայտնվի»,-ի պատասխան «Ժողովուրդ»-ին հայտնեց Տ. Բալայանը»:
Ավելի մանրամասն՝«Ժողովուրդ» թերթի այսօրվա համարում:
