Ի՞նչ ուտել. միֆեր ուտելիքների օգտակարության և վնասակարության մասին (լուսանկարներ)

Բեկոն

Միֆ. Վերմշակված միսը նույնքան վնասակար է, որքան ծխախոտը։

Իրականություն. Վերջերս ՄԱԿ-ի առողջապահության կազմակերպությունը հայտարարեց, որ վերամշակված միսը մեծացնում է հաստ աղիքի քաղցկեղի առաջացման հնարավորությունը։ Սակայն հարկ է նշել, որ վերջինս բավականին հազվադեպ հանդիպող հիվանդություն է։ Եթե մենք ամեն օր ուտենք բեկոն, ապա քաղցկեղի առաջացման հավանականությունը կմեծանա 6.6 տոկոսով։ Հետևաբար յուրաքանչյուր 10 մարդուց, ովքեր չեն ուտի բեկոն, միայն մեկը կխուսափի քաղցկեղից։ Մինչդեռ եթե 10 մարդ չծխի, 10-ն էլ կխուսափեն քաղցկեղից։ 

Սուրճ

Միֆ. Կոֆեինի հանդեպ հակվածությունը կարող է հանգեցնել ինֆարկտի։

Իրականություն. Իրականում նույնիսկ հակառակն է։ Գիտնականները հայտնաբերել են, որ այն մարդիկ, ովքեր օրական խմում են 3-6 բաժակ սուրճ 13-ամյա ժամկետում մահվան հավանականությունը կրճատում են 10 տոկոսով։ Նրանց մոտ ավելի քիչ են զարգանում սրտանոթային հիվանդությունները, ինսուլտը և դիաբետը։

Սերուցքային կարագ, պանիր և յուղոտ կաթ

Միֆ. Կաթնամթերքի օգտագործումը խցանում է անոթները և պատճառ դանում սրտանոթային հիվանդությունների զարգացման համար։

Իրականություն. Ամերիկյան «Annals of Internal Medicine» ամսագրի լայնամասշտաբ հետազոտության արդյունքում գիտնականները եկել են այն եզրակացության, որ բարձր յուղայնությամբ մթերքները չեն հանգեցնում սրտանոթային խնդիրների։ Նրանք կատարել են փորձարկում։ 8 ամսվա ընթացքում ամեն օր մի խումբը կերել է առանց յուղայնության մթերքներ, մյուս խումբը բարձր յուղայնությամբ։ Արդյունքում խոլեստերինի մակարդակը երկրոդ խմբում ավելի ցածր է եղել, քան առաջինում։ Ավելին, 12 տարբեր հետազոտությունների արդյունքում պարզ է դարձել, որ այդ մարդիկ միջինում ավելի բարեկազմ են, քան առանց յուղայնության մթերքներ օգտագործող մարդիկ։