Ռուսաստանի և Թուրքիայի հակամարտությունը անհանգստացրել է Մինսկին և Բաքվին
Ադրբեջանի նախագահ Իլհամ Ալիևի չծրագրված և կարճաժամկետ այցը Մինսկ տարբեր կերպ մեկնաբանվեց վերլուծաբանների կողմից։ Շատերը բարձրացրին այն հարցը, թե արդյոք Ալիևը, Թուրքիայի դաշնակիցը, չի գնում դոնբասյան խաղաղարար Լուկաշենկոյի մոտ, որպեսզի խորհրդակցի Մոսկվային և Անկարային հաշտեցնելու շուրջ։
Հաշտեցման ակնկալիքների կրակին յուղ լցրեց Բելառուսի և Ռուսաստանի միացյալ պետության պետքարտուղար Գրիգորի Ռապոտան։
«Բելառուսը արդեն կարևորել է Ռուսաստանի, Ուկրաինայի և Արևմտյան Եվրոպայի միջև երկխոսության հարթակ լինելու իր դերը։ Սա խոսում է այն մասին, որ Բելառուսը կարող է լինել հարմար հարթակ յուրաքանչյուր երկխոսության համար, որն ուղղված կլինի կայունացմանը և խաղաղության հաստատմանը, այդ թվում՝ Մերձավոր Արևելքում իրադրության շուրջ բանակցությունների համար»,- նշել է Ռապոտան Մինսկում։
Ամենայն հավանականությամբ, այս խոսքերը ասելու ժամանակ Ադրբեջանի նախագահը դեռ ինքնաթիռ չէր նստել Մինսկ ժամանելու համար։
Մինսկում փորձագետները արդեն մեկնաբանում էին Բելառուսի ԱԳՆ-ի հայտարարությունը՝ կապված ռուսական Սու-24-ի կործանման հետ։ Հայտարարության մեջ նշվել էր «մեր եղբայրական Ռուսաստանը և բարեկամական Թուրքիան» արտահայտությունը։
Օրվա միջազգային օրակարգը հրապարակայնացվեց միայն Բելառուսի նախագահ Լուկաշենկոյի մեկնաբանությամբ.«Աշխարհը խելքը թռցրել է։ Մենք տեսնում ենք՝ ինչ է տեղի ունենում։ Այս բուռն, անկանխատեսելի աշխարհում մենք այսօր ապրում ենք, ավելի ճիշտ՝ գոյատևում ենք, և մենք պետք է հենվենք մեկս մյուսի վրա, որպեսզի դիմակայենք այն սպառնալիքներին, որոնք այսօր կան աշխարհում»։
«Բելառուսական նորություններ»-ի քաղաքական վերլուծաբան Ալեքսանդր Կլասկովսկին իր խոսքում նշել է.«Բաքում դեմ չէր լինի միջնոդ լինել Անկարայի և Մոսկվայի միջև։ Այսօր Բաքուն ու Մինսկը մտածում են՝ ինչպես հնարավորինս քիչ տուժել Մոսկվայի և Անկարայի միջև անսպասելի հակամարտությունից»։