Կրեմլում Պուտինի և Օլանդի բանակցություններն ավարտվել են

Կրեմլում ավարտվել են Ռուսաստանի և Ֆրանսիայի նախագահների բանակցությունները։ Պետությունների առաջնորդների բանակցությունները տևել են ավելի քան 2.5 ժամ։ Ակնկալվում է, որ բանակցությունների արդյունքները կներկայացվեն մամլո հաղորդագրության մեջ։

Բանակացությունների բաց մասում Պուտինը և Օլանդը  նշել են, որ անհրաժեշտ է համագործակցել ահաբեկչության դեմ լայն միջազգային կոալիցիա ստեղծելու համար։

«Մենք պատրաստ ենք այդ համագործակցությանը, պարոն նախագահ»,- նշել է Պուտինը։ Նա ընդգծել է, որ Ռուսաստանը լուրջ կորուստներ է կրել «ահաբեկիչների կողմից քաղաքացիական ինքնաթիռի կործանման պատճառով»։ «Այս ամենը ստիպում է մեզ միավորել ջանքերը ընդհանուր չարիքի դեմ պայքարելու համար», - նշել է Պուտինը։

Իր հերթին, Ֆրանսիայի նախագահը հայտարարել է, որ Մոսկվա է եկել ահաբեկչության դեմ պայքարում պետությունների գործողությունները կոորդինացնելու համար։ Ըստ Օլանդի, «ժամանակն է եկել, ոպեսզի մենք մեր վրա վերցնենք պատահածի պատասխանատվությունը»։

Նա նաև նշել է, որ այդ նպատակով հանդիպումներ է ունեցել արդեն Մեծ Բրիտանիայի, Գերմանիայի, ԱՄՆ-ի և Իտալիայի առաջնորդների հետ։