5 րոպե ծիծաղը համարժեք է մեկ բաժակ թթվասեր ուտելուն

Իրականում ժպիտը շատ կարևոր տեղ ունի մեր կյանքում: 
Ֆիզիոլոգիական տեսանկյունից ժպիտը գործընթաց է,որը կարգավորվում է ուղեղի կողմից և արտացոլվում է դեմքի վրա որպես մկանային արտահայտիչ շարժում( շրթունքներ, աչքեր,այտ) : Բայց եթե այն առանձնացնենք որպես հասկացություն,ապա կտեսնենք ,որ այն էներգիա է,որը բխում է մեր սրտից և արտացոլում է մարդու ներաշխարհը: Ժպիտի միջոցով փորձում ենք հասկանալ դիմացինի մտքերը,հույզերը,վերաբերմունքը (զարմանք, քմծիծաղ, արհամարհանք), հետևաբար առանց ժպիտի կյանքն անհնար է պատկերացնել,իսկ եթե փորձենք պատկերացնել,ապա այն կվերածվի զուտ մեխանիկական աշխարհի…

 Վերջերս հաճախ են նշում այն մասին,որ 5 րոպե ծիծաղը համարժեք է մեկ բաժակ թթվասեր ուտելուն,այն նույնչափ առողջարար է : Յոգայում հաճախ կիրառում են ժպտալու մեթոդիկան,եթե անգամ մարդը չի ցանկանում ժպտալ, նրան առաջարկում են արհեստականորեն ստանալ այն, հատուկ վարժանքների միջոցով,ինչը հավասարազոր է մարզման սրահում ստացած ֆիզիկական ծանրությանը:
Երբ մենք չենք ծիծաղում ,ապա կծկված է դեմքի 43 մկան,իսկ երբ ծիծաղում ենք`17 ,ինչը ապահովում է ռելաքսացիա: Ծիծաղելիս ուղեղի ակտիվությունը բարձրանում է մի քանի անգամ, լավանում է հիշողությունը, կարգավորում  է սրտի և ճնշման աշխատանքը: Այսինքն` ծիծաղը կարող է նպաստել առողջությանը և հանդիսանալ յուրահատուկ մարզման ձև…