Վատ երազներ տեսնելն օգտակար է. հետազոտություն
Մղձավանջներ տեսնելը կարող է իրականում օգտակար լինել մարդկանց:The Huffington Post-ը գրում է. իրականում մղձավանջները մարդու հոգեկան առողջության համար կարևոր նպատակ ունեն:
Հետազոտությունը ներկայացված է մատչելի հոլովակով` հղումով. «Վատ երազների լավ կողմը» (The Good Side of Bad Dreams) վերնագրով ֆիլմում բացատրվում է, որ մղձավանջները էմոցիոնալ լիցքաթափման եղանակ են ծառայում, որոնք թույլ են տալիս հաղթահարել սթրեսները, նեղվածությունը, որոնք պատուհասում են մեզ մեր առօրյա կյանքում: Արթուն ժամանակ մեզ ամենից շատ մտահոգող բաները շարունակում են «հալածել» մեզ նաև քնած ժամանակ: Անգիտակցականի վիճակում մեր ուղեղը մեր աբստրակտ վախերը վերցնում ու վերափոխում է պատմությունների, որոնք ունեն մղձավանջների տեսք:
Դա տեղի է ունենում հետևյալ մեխանիզմով. պարզ ասած` մղձավանջը մեր վախերը վերափոխում է հիշողության «ձևաչափի»: Իսկ դա օգտակար է, քանի որ հուշերի հետ ավելի հեշտ է գործ ունենալ հոգեպես` որպես բաների, որոնք տեղի են ունեցել անցյալում, քան «ակտիվ նեղվածությունը», որ շարունակում է մնալ մեզնում: