Որտեղ են նախընտրում հանգիստն անցկացնել հայ հայտնիները (լուսանկարներ)
Հայ հայտնիները մշտապես աչքի են ընկնում իրենց յուրահատկություններով, իսկ այդ յուրահատկության մեջ մտնում է նաև հանգստի յուրահատուկ անցկացումը կախված վայրի ընտրությունից և հանգստի տեսակից: Operativ.am-ը զրուցել է հայ հայտնիների հետ, պարզելու համար, թե որտեղ են նրանք պատրաստվում իրենց ամառային հանգիստ անցկացնել:
1.Գայանե Ասլամազյան. Այս տարի չեմ մեկնելու հանգստի, սակայն նախընտրում եմ հանգստանալ և՛ Հայաստանում, և՛ Հայաստանից դուրս:
2.Աիդա Սարգսյան- Ես բալիկիս հետ հանգստի կմեկնեմ ԱՄՆ, որից հետո թարմ ուժերով աղջիկս առաջին քայլը կդնի դպրոց:
3. Լևոն Հովհաննիսյան- Անկեղծ ասած, ժամանակիս գերակշիռ մասը աշխատանքի մեջ եմ լինում, ուստի, հանգիստ կոչվածն ինձ համար փոքր-ինչ խորթ է: Ցավոք, վերջին անգամ արժանի հանգիստս վայելել եմ բոլորիս համար արդեն սովորական դարձած Սոչիում: Առաջին իսկ հնարավորության դեպքում, հանգիստս կկազմակերպեմ Ստեփանավանում գտնվող տատիկիս ու պապիկիս առանձնատանը, որտեղ մեղմ ասած, կա շքեղ բնություն, խիտ անտառներ ու բարի մարդիկ:
4.Սամվել Գրիգորյան. Ոչ ծովափնյա, պասիվ քաղաքներ եմ նախընտրում: Հիմնականում եվրոպական երկրներում եմ նախընտրում հանգստաալ. Գերմանիա, Իտալիա: Այդպես ավելի շատ եմ լիցքավորվում քան ծովափնյա երկրներում:
5. Նառա Դիլանյան-Նախընտրում եմ այնպիսի տեղ, որտեղ ջուր շատ կա, ես ակտիվ հանգստի սիրահար եմ և նախընտրում եմ գեղեցիկն ու հարմարավետը: Ավելի լավ է 3օր մնամ թանկարժեք հյուրանոցում, քան այդ նույն գումարով մեկ այլ տեղ 10 օր:
6.Կարեն Գիլոյան- Ճանապարհորդել շատ եմ սիրում, սակայն նախընտրում եմ հանգստանալ Ջավախքում: Կուզենամ նաև Կարելիայի լճերում կամ Ալթայի լեռներում հանգստանալ: Կարելիայում լավ ձուկ կբռնեի, Ալթայում էլ սանկիներս կօգնեին վայելել հրաշք բնությունն ու հսկայական էներգետիկան:
7. Սոֆի Դևոյան- Դեռ չեմ որոշել որտեղ եմ պատրաստվում հանգստանալ:
8.Վիգեն Ահարոնյան- Թեև համերգային շրջագայությունների եղան, սակայն որպես հանգիստ պատրաստվում եմ գնալ Կիպրոս:
9.Արփի Գաբրիելյան- Այս տարի գուցե չհասցնեմ հանգստանալ, սակայն Եվրոպայում եմ նախընտրում հանգստանալ. մասնավորապես Իտալիա, Իսպանիա:
10. Անահիտ Շահբազյան- Տեղը կարևոր չէ, կարևորը լավ մարդկանց շրջապատում լինեմ:
11.Լայանա- Նախընտրում եմ հանգստանալ ծովափնյա շրջաններում, բայց քանի որ բալիկս դեռ փոքր է, այս տարի երևի չեմ մեկնի հանգստի:
12.Արմեն Դալլաքյան- Անցյալ տարի շատ երկրներում եղա, սակայն համոզվեցի, որ Վրաստանում ավելի լավ է: Հանգստի համար Քոբուլեթից և Բաթումից լավ տեղ չկա:
13.Նարեկ Մակարյան- Նախընտրում եմ ծովափնյա քաղաքներում հանգստանալ: Ցանկալի է՝ որտեղ պետք է ապրեմ, լինի ռոյալ կամ դաշնամուր, իսկ պատուհանը նայի ծովին:
14. Արայիկ Համբարձումյան-Նախընտրում եմ հանգստանալ դրսում, որտեղ ծով, լողափ, Էկզոտիկ միջավայր, բարձրակարգ սպասարկում և հանգստի համար անհրաժեշտ միջոցներ կան: