Ժաննա Ֆրիսկեի կերպարների էվոլյուցիան (լուսանկարներ)

Շաբաթներ առաջ ԶԼՄ-ները ողողվեցին շատերի կողմից սիրված երգչուհի, դերասանուհի և հաղորդավարուհի Ժաննա Ֆրիսկեի մահվան մասին լուրերով: Համացանցում հայտնվեցին երգչուհու վառ հիշատակը հավերժացնող լուսանկարներ:Ofigenno.cc-ն ներկայացրել է Ժաննա Ֆրիսկեի կերպարների էվոլյուցիան:   

Դպրոցն ավարտելուց հետո Ժաննա Կոպիլովան ընդունվել է Մոսկվայի հումանիտար համալսարանի ժուռնալիստիկայի ֆակուլտետ: 1995թ.-ին դեռևս ուսանողուհի 21-ամյա Ժաննան ծանոթացել է Անդրեյ Գրոզնիի հետ՝ «Բլեստյաշիե» խմբի պրոդյուսերի հետ: Գրոզնին հրավիրել է երիտասարդ աղջկան, ով զբաղվում էր պարարվեստով, խումբ՝ որպես գեղարվեստական ղեկավար: Սակայն խմբի պրոդյուսերը նրա մեջ նկատել է խարիզմա և առաջարկել դառնալ խմբի չորրորդ անդամը:  

Իր կարիերայի սկզբում Ժաննան սևահեր է եղել: Նա սիրվել է հանդիսատեսի կողմից իր վառ կերպարով, տաղանդով և կենսուրախությամբ:  

Ժաննա Ֆրիսկեն «Վերջին հերոսը» ռեալիթի-շոուում իր մասնակցությունից հետո որոշում է լքել կոլեկտիվը: Նա սկսում է իր սոլո կարիերան: Այս շրջանում նա դրսևորում է իրեն որպես դերասանուհի՝ նկարահանվելով «Дневной дозор», «О чём говорят мужчины», «Кто я?», «Красота требует...» ֆիլմերում:  

2004թ.-ին թողարկում է իր առաջին սինգլը՝ «Ла-ла-ла», որն էլ դառնում է երգչուհու աստղային կարիերայի այցեքարտը:  

«Где-то летом» երգը դառնում է պարային հիթ:  

2011թ.-ին երգչուհին ներկայացնում է իր անկեղծ ֆոտոսեսիան: 

Հենց այդ տարի սկսում են լուրեր պտտվել, որ երգչուհին հանդիպում է հեռուստահաղորդավար Դմիտրի Շեպելևի հետ:  

Սիրահար զույգը հայտնում է, որ շուտով նրանք տղա կունենան: Ժաննան և Դմիտրին, հավանաբար, ոգեշնչված հին հունական փիլիսոփայությամբ, տղային տալիս են Պլատոն անունը:   

Սակայն նրանց երջանկությունը երկար չտևեց...ԶԼՄ-ները 2013թ-ին հայտնեցին երգչուհու հիվանդության շոկային լուրը: Միլիոնավոր մարդկանց կուռք դարձած երգչուհու մոտ հայտնաբերեցին գլխուղեղի քաղցկեղ: