Արդյո՞ք Ռոբերտ Քոչարյանը կվերադառնա քաղաքական դաշտ. պարզաբանում է քաղաքագետը
Այսօր լրագրողների հետ հանդիպման ժամանակ քաղաքագետ Ալեքսանդր Մարկարովն անդրադառնալով ներքաղաքական վիճակին, նշեց, որ 2006-2007 թթ. ենթադրվում էր, որ ԲՀԿ-ն որպես Ռոբերտ Քոչարյանի նախագիծ, հանդես է գալու որպես հակակշիռ կամ համակշիռ պետական կուսակցությանը: Բայց երբևիցե չի եղել պաշտոնական հայտարարություն, որ Քոչարյանը հանդես է գալիս որպես ԲՀԿ կողմնակից կամ անդամ: Ֆորմալ դաշտում, մենք կարող ենք ասել, որ կա օժանդակություն, որը կարող է լինել կամ գաղափարական կամ նյութական, որը ԲՀԿ-ն ստանում է Ռոբերտ Քոչարյանից, բայց ֆորմալ հարաբերություններn իսպառ բացակայում են:
Քաղաքականության մեջ մտնելու հնարավորություն բոլորն էլ ունեն, բայց այլ է, թե ինչ ձևով է ուզում քաղաքական գործիչը: ԲՀԿ-ն առայժմ գործում և հանդես է գալիս որպես խորհրդարանական ուժերից մեկը: Սակայն դեռևս ռեալ չէ Ռոբերտ Քոչարյանի վերադարձը քաղաքականություն:
«Նա նշում էր 3 կետ, որոնց իրագործման դեպքում կվերադառնա քաղաքականություն, բայց այդ 3 կետերից ոչ մեկ չգործեց: ԲՀԿ-ն չի կարող օգտագործվել որպես քաղաքական ուժ, որի վրա հենվելով նորից կվերադառնա Ռոբերտ Քոչարյանը, քանի որ ԲՀԿ-ն, որն ունի պոտենցիալ՝ դառնալու քաղաքական ազդեցիկ ուժ, մենք տեսնում ենք, որ այն ձգում է դեպի 0-ի»,- ասաց քաղաքագետը: