Արգամիչի ընկերուհին և համատեղության կարգով Աշոտյանի սանամայրը հաղթող դուրս եկավ
Օրեր առաջ Operativ.am-ը նյութ հրապարակեց, որտեղ բացահայտվեցին մեր որոշ քաղաքական գործիչների թաքնված գաղտնիքները, որոնց մասին հանրությունը տեղյակ չեր: Խոսքը վերաբերվում էր Նաիրա Զոհրաբյանի՝ ԿԳ նախարար Արմեն Աշոտյանի սանամայր լինելու փաստին, ինչպես նաև այն, որ Նաիրա Զոհրաբյանը հավակնում է դառնալ ԲՀԿ նախագահ: Իր՝ ԲՀԿ նախագահ դառնալու փաստը վերջինս չի դադարում բարձրաձայնել օրը 24 ժամ:
Ինչպես հայտնի է սույն թվականի մարտի 5-ին ԲՀԿ կենտրոնական գրասենյակում տեղի կունենա «Բարգավաճ Հայաստան» կուսակցության 8-րդ արտահերթ համագումարը, որը նպատակ ունի նախագահել տիկին Զոհրաբյանը, ում մասին որոշակի հետաքրքիր փաստեր ենք ներկայացնում ստորև.
Ինչպես ասում են պատմութուն լավ սերտելու համար անհրաժեշտ է թերթել պատմության էջերը: Այդ պարագայում նոր բացահայտումներ հաստատ լինում են, որոնք առավել մեծ ինտրիգային իրավիճակներ են ստեղծում: Եվ այսպես, եթե հետադարձ հայացք գցենք 2007 թվական, երբ Նաիրա Զոհրաբյանը համամասնական ընտրակարգով ընտրվեց «Բարգավաճ Հայաստան» կուսակցության պատգամավոր, փաստացի դժվար է հավատալ, որ նա հենց այնպես դարձավ պատգամավոր: Հաշվի առնելով այն փաստը, որ այդ ժամանակ մամուլում շրջանառվում էր Նաիրա Զոհրաբյան-Հովիկ Աբրահամյան անունները, այստեղից կարելի է որոշակի բաներ եզրակացնել: Իսկ անուններն ամենևին էլ հենց այնպես չէր շահարկվում, այլ շեշտվում էր վերջիններս ինտիմ հարաբերություններ ունենալու փաստը: Ինչպես ասում են ոչինչ հենց այնպես չի լինում և իհարկե, նպատակն արդարացնում է միջոցները:
Այս ամենից կարելի է եզրակացնել, որ ԲՀԿ-ի հեռակառավարման վահանակը գտնվում է ՀՀ վարչապետ Հովիկ Աբրահամյանի ձեռքում: Այսինքն՝ վերջինիս առաջարկով և ԿԳ նախարար Արմեն Աշոտյանի «համաձայնությամբ» Նաիրա Զոհրաբյանը կդառնա ԲՀԿ նախագահ:
Իսկ ԲՀԿ-ի որոշ անդամներ ևս կբռնեն «գաղթի» ճանապարհը՝ հետևելով իրենց կուսակիցների օրինակին: Արդեն ԲՀԿ-ն լքել է թվով 8 պատգամավոր: Մոտ ժամանակներս սպասվում է նաև ԲՀԿ-ական պատգամավոր Մարտուն Գրիգորյանի հեռանալը: ԲՀԿ-ական պատգամավորներն ընտրել են հեռանալու ճանապարհը, քան подкаблучник-ի կարգավիճակը:
Հ.Գ. «Կանյաչնիից» ֆինանսավորվող բոլոր «ֆեյսբուքիստներին ու ֆեյքերին» խորհուրդ է տրվում մեկնաբանություններում պահպանել կոռեկտություն: Միևնույն է, Ձեր աշխատավարձը դրանից չի բարձրանա: