Գյուղ, որը մնացել է առանց տղամարդ. CNN-ի անդրադարձը` հայկական Լիճք գյուղին (լուսանկարներ)
Ամերիկյան CNN հեռուստաալիքի լուսանկարիչ՝ Ջուլիեն Պեբրելն այցելել է Հայաստանի Հանրապետության Լիճք գյուղ և իր հոդվածում ներկայացրել գյուղական կյանքը: Այս մասին հայտնում է Edition.cnn.com-ը:
Պեբրելը հայկական գյուղը ներկայացրել է որպես առանց տղամարդ գյուղ, որտեղ հիմնական աշխատանքը կատարում են կանայք:
Մասնավորապես նա գրել է.«Հայաստանի Լիճք գյուղում դուք կգտնենք կանանց, որոնք կատարում են ծանր աշխատանք, սակայն չեք գտնի տղամարդկանց: Բոլոր այս կանանց ամուսիները գտնվում են հազարավոր կիլոմետր հեռավորության վրա: Դա կախված է գյուղում տիրող ծանր տնտեսական իրավիճակի հետ, ինչի հետևանքով տղամարդկանց 90%-ը մեկնել է ՌԴ: Այսպիսով գյուղը տարին 8-9 ամիս ղեկավարում են կանայք»:
Լուսանկարիչն իր հոդվածում ներկայացնում է գյուղի 2 բնակչուհու՝ Անուշին և Ռուզաննային, որոնք բնակվում են միասին մինչ իրենց ամուսիններն արտագնա աշխատանքի են գտնվում ՌԴ-ում: Կանայք թղթակցի հետ զրույցի ժամանակ անկեղծացել են, ասելով, որ գյուղի կանանց մեծ մասը վստահում է իրենց ամուսիններին, սակայն կա մտավախություն, որ նրանք գաղտնի կյանք կարող են վարել ՌԴ-ում:
«Մտավախություն կա, որ նրանք կարող է այնտեղ գաղտնի կյանք ունենալ և ամենավատը կարող են ետ չվերադառնալ: Առհասարակ մենք փորձում ենք դրա մասին այդքան չմտածել»,-պատմել են կանայք:
Գյուղի 2 բնակչուհիները՝ Անուշ և Ռուզաննան, հաց թխելիս
Տղամարդկանց բացակայության պատճառով կինն է արածեցնում կովերի նախիրը
Գյուղի հեքիմի դուստրը՝ Նվարդը, ում ամուսինը կրկին գտնվում է ՌԴ-ում
Լիճքի տարեցները
Լիճքի ներկայիս սերունդը
Գյուղի երեխաներից մեկը՝ Լիլիթը, քնել է հոր լուսանկարներով ալբոմը ձեռքին
Կանայք միասին կարտոֆիլ են հավաքում
Գյուղի բնակիչ Անուշը
Անուշն ու Լիլիթը այցելել են գյուղի հեքիմին
Գյուղի բնակիչ Սիրուշն արեծեցնում է իր կովին: Նրա ամուսինը և զավակը ևս գտնվում են ՌԴ-ում