Պայծառատեսն անգամ գլուխ չի հանի եռյակից. Գագիկ Մելիքյան
«Իրատես de facto» թերթը զրուցել է ԱԺ ՀՀԿ խմբակցության քարտուղար Գագիկ Մելիքյանի հետ։ Հատված հարցազրույցից.
«Պարոն Մելիքյան, ե՞րբ են վերջապես տեղի ունենալու բանակցությունները ոչ ընդդիմադիրների, օյ, կներեք, ոչիշխանականների առաջարկած տասներկու կետերի շուրջ։ Հովիկ Աբրահամյանը նախորդ օրն ասաց, որ «միշտ» պատրաստ են անգամ «տասներորդ» կետի շուրջ բանակցելու: Ե՞րբ եք նստելու, ի վերջո, սեղանի շուրջը՝ այդ «կետի» առնչությամբ:
Երբ ոչիշխանական ուժերը հստակեցնեն իրենց կարծիքն այդ հարցի վերաբերյալ:
Ասել է' նախապայմանով նստում եք «սեղանի շուրջը», այն է' համաձայնում եք իրենց առաջ քաշած նախապայմանի հետ, բա ասում էիք' դուք «էդպիսինը» չեք:
Իրենք նախապայման չե՛ն դրել: Ձեր ասած' ոչիշխանական ուժերից մեկը նախապայման է դրել, մյուսը հայտարարել է, որ իրենք ընդհանրապես տեղյակ չեն նախապայմանի մասին, իսկ մյուս քաղաքական ուժն էլ ընդհանրապես որևէ քաղաքական հայտարարություն չի արել: Այսինքն, միասնական կարծիք իրենք չեն հայտնել:
Որպես պայծառատես Գալուստ Գրիգորիչի հետ երկարատև աշխատած անձնավորություն, ի՞նչ եք կարծում' այս խնդիրն ի՞նչ ավարտ կունենա։ Կունենա՞, թե՞ չի ունենա:
Ես պայծառատես չեմ: Որեւէ պայծառատես գլուխ չի հանի ոչիշխանական ուժերի բոլոր եւ այս կարգի «կոնֆիգուրացիաներից»։
Առավել մանրամասն՝ «Իրատես de facto» թերթի այսօրվա համարում: